بی ایل ایف نا ترجمان میجر گہرام نا نیمہ غان چاگڑدی میڈیا ٹی جولائی 2026 نا رپورٹ شنگ کننگانے ہرانا رد ئٹ بی ایل ایف نا سرمچار آک جولائی ٹی قوضہ مروکا بلوچستان ئٹی کوزہ کروک آ فوج، اونا سیکیورٹی فورسز و استعماری دفاعی و معاشی تنصیبات و رابطہ نا نظام آ جلہو تا لڑ بے مثل انگا عزم و ترندی ئٹ برجاء تخنگا۔ دا کارروائی تا دائرہ کار مستونگ، خضدار، بسیمہ، مند، تمپ، کاہان، چاغی، خاران، قلات، گومازی، جھاؤ، کوئٹہ، زامران، سوراب، ماشکیل، بلیدہ، کراچی، پسنی، رکھنی، نال، کھڈان، بل نگور و مشکے تون اوار 23 جتا علاقہ و شہر آتیٹی تالان مس۔ دا کارروائی تا بنیاتی مسخت بلوچستان ئٹی ریاست نا کوزہ کننگ نا ڈھانچہ ئے مفلوج کننگ، مڈی تا لُٹنگ ئے توننگ و کوزہ کروک ریاست نا فوجی طاقت و عمل داری ئے بنیات آن کشنگ ءُ ایسر کننگ ءِ۔
ترجمان پارے کہ سرمچار آک جولائی ٹی دشمن نا برخلاف 48 سلاہ بند کارروائی کریر۔ دا منظم و کاری ضربہ تیٹی فوج ئنا 97 فوجی کارندہ خلنگانے و 15 سخت ٹپی مسنے، تحریک آجوئی نا برخلاف کاریم کروکا 5 مخبر و ایجنٹ آتے ہم خلکُر، اندا وڑ جولائی نا تو ئٹی دشمن نا 117 کارندہ خلنگانے۔
ترجمان نا رد ئٹ اسٹریٹیجک حساب ئٹ دا تو ئنا بھلا کارروائی 22 کاروائی 2026 آ مستونگ نا علاقہ کھڈ کوچہ ٹی میکرو اسٹاپ آ کننگا، ہراڑے سرمچار آک منصوبہ نا رد ئٹ پیش قدمی کروکا دشمن نا اسہ فوجی کاروان ئسے نشانہ کریر ہراٹی 17 کارندہ خلنگا و 10 ٹپی مس۔ داکان بیدس سرمچار آک دشمن نا ہن ءَ بر نا نظام ئے بند کننگ و علاقہ ٹی تینا فوجی اثر ئے تخنگ کن سرمچار آک کسر تا 9 جتا جاگہ آتا سرسوب ناکہ بندی کریر دا وخت دشمن نا 7 فوجی کاروان تے مُست آن سنگر ہلِسہ نشانہ کریر۔ فوجی پیش قدمی ئے برجاء تخسا دشمن نا 6 بھلا فوجی کیمپ و 7 اہم ءُ فوجی چیک پوسٹ آتا تسلسل ئٹ جلہو کریر۔
ترجمان پارے کہ تکنیکی، رابطہ و مادی محاذ آ کوزہ گیر نا بنیاتی ڈھانچہ ئے نزور کننگ کن سرمچار آک جاسوسی نا پوسکن انگا سامان و فوجی لاری تے نشانہ کریر۔ بڑز آن جاسوسی کروکا دشمن نا اِرا ڈرون و 3 پوسکن انگا کیمرہ تے بھُس کریر۔ مادی و عسکری محاذ آ کارروائی و تراک آتیٹی کوزہ گیر فوج ئنا 15 فوجی لاری تے بھُس کننگا۔ گوریلہ کارروائی تیٹی و آپریشن نا وخت نروکا آ دشمن کارندہ تا 5 توفک آتے دوئی کننگا۔
ترجمان گہرام بلوچ رپورٹ ئٹی پارے کہ فوجی کارروائی تیٹی جتا و جنگی محاذ آ تینا برتری ئے برجاء تخنگ کن دا تو ئٹی دشمن نا برخلاف گوریلہ جنگ ئنا جتا تکنیک کارمرز کننگانے۔ 16 وار بھلا سلاہ تیٹ دشمن آ جلہو کننگانے و 8 وار منظم وڑ ئٹ مُست آن سنگر ہلِسہ جلہو کننگانے، انٹلیجنس بنیات آ 5 ڈھکوک آپریشن کننگانے، 2 وار گرنیڈ لانچر کارمرز مسنے و 2 وار آئی ای ڈی تراک کننگانے ءُ اسہ دستی بمب جلہو ئس کننگانے۔ دا جتا و اثر دار انگا جلہو آک تنظیم نا فوجی مہارت، سرسوب انگا منصوبہ بندی و ہر وڑ ئنا حالیت تیٹی جنگ کننگ نا صلاحیت آتے نشان تیک۔
ترجمان رپورٹ نا ایسر ئٹ دا قول ئے دوارہ کرینے کہ بلوچستان نا تیبہ آجوئی و خودمختاری اسکان ننا فوجی جلہو آک تسلسل، جتا وڑ ئٹ و پین ترندی ئٹ برجاء مرور۔
