بلوچ یکجہتی کمیٹی نا راہشون ڈاکٹر ماہ رنگ بلوچ واشک ( بسیمہ) ٹی مروکا کسر تدینی نا رد ئٹ پارے کہ کسر تدینی ٹی کہیی بندغ آک بیران و ٹپی مسُر۔
ڈاکٹر ماہ رنگ پارے کہ دا کسر تدینی ئس اف بلکہ اَسہ منظم کوش ئسے۔ ریاست بلوچستان نا مڈی تے تومکا دُو تیان لُٹ و پُل کننگ ءُ ولے او بلوچ آ تا ڈبل کسر جوڑ کننگ کتوس و نا رکھکوک کسری آسراتی تننگ کریر،انتئے کہ ریاست ئے بس بلوچستان نا مڈیک ضرورتءُ،بلوچ آ تا ساہ اوفتیکن اہم اف۔
او پارے کہ نن بلوچ آتا قسمت ٹی بس غم،درد و جون نوشتہ کروکءِ۔وختس بیگواہ مروکا خاوت آ تا غم، بیدس عدالت آن کوش آ تا غم ،وختس کسر تدینی تیٹی خلنگ مروک آتا غم،نن بیست ءُ یک میکو کرن ئٹی ہم خطرناک ءُ زند گدریفنگ اُن۔
یاتی مرے کہ بیران مروکا بندغ آتا پجار تُربَت یونیورسٹی نیچرل اینڈ بیسک سائنسز نا پروفیسر ڈاکٹر نعمت اللہ کوئٹہ نا ہندی و ڈاکٹر عامر زیب کوئٹہ،ورنا چاگڑدی باسک و اسکول فار آل ئنا درویش عزیز، بلوچستان ریذیڈنشل کالج تُربَت نا میل نرس محمد ایوب ولد ہاشم گیبن نا ہندی،محمد عزیز ولد حسن جوسک نا ہندی، صابر علی ولد خدا بخش سنگانی سر نا ہندی ئٹ مسنو۔
