شال ئٹی استو سی ٹی ڈی چیئرمین جیئند بلوچ نا اُراغا چھاپہ خلسہ اودے دزگیر کننگ آن پد زوراکی ئٹ بیگواہ کرینے۔
اونا زوراکی ئٹ بیگواہی نا ہیت ئے خاہوت پک کرسا پارینے کہ ریاستی ادارہ آک استو یانزدہ بجہ غا شال ئنا ہند ہدہ ٹی اوفتا اُراغا چھاپہ خلسہ جیئند ئے دزگیر کرسا بیگواہ کرینے۔ داکان مُست ہم اودے اِرا اوار زوراکی ئٹ بیگواہ کننگانے۔ دا مُسٹمی وار ءِ کہ او پدا زوراکی ئٹ بیگواہ کننگانے۔
زوراکی ئٹ بیگواہ کننگوک آ بندغ آتیکن کاریم کروکا تنظیم وی بی ایم پی جیئند بلوچ نا زوراکی ئٹ بیگواہی ئے شیف خلکُنے و سرکار آن خواست کرینے کہ اودے زوت آجو کیر و اگہ اوڑا ہمرو ہم دوبہ ئس ارے گڑا عدالت ئٹی ہتنگ مرے۔
جیئند بلوچ نا زوراکی ئٹ بیگواہی ئے جتا انگا تنظیم و بندغ آک شیف خلکنو۔
