ضلع مستونگ نا علاقہ کلی کونکڑھ آن 21 جولائی 2026 آ شام ئنا 6:30 بجہ غا پاکستانی فوج زالبول ئسے اونا مُسہ چنکو چنا و ایلو خاہوت نا بندغ آتیتون اوار اُراغان زوراکی ئٹ بیگواہ کرے۔
خاہوت نا رد ئٹ زوراکی ئٹ بیگواہ کننگوک آتیٹی بی بی رافیعہ بنت امام بخش (عمر 33 سال)، اونا مُسہ چُنا ہرافتا عمر 3 تو ، 4 سال و 6 سال ءِ۔ اونا ایلم محمد عارف و ایلم نا مسڑ ندا بنت سراج احمد( عمر 18 سال) اوار ءُ۔
خاہوت نا رد ئٹ تدینی آن پد پن کروک بندغ آتا ہچو حال ئس اف و خاہوت آک ذہنی پریشانی و اذیت نا گواچی ءُ۔
خاہوت کالخواہ آن خواست کرینے کہ کُل زوراکی ئٹ بیگواہ کننگوک بندغ آتے زوت یلہ کرسا اوفتا خاہوت آتے سر کیر۔
