گوادر نا ہند جیونی ٹی پاکستانی لشکر تدوکا ہشت دے ئٹی پنجاہ آن زیات بندغ ئے دزگیر کننگ آن گُڈ بیگواہ کرینے ۔
حوال کار ئنا رد ئٹ پاکستانی لشکر ہشت دے آن کسر تے تفینے ہراڑان بندغ آک مُشکل آتیتون مون تننگ ءُ۔
ہندی بندغ آتا پاننگ ءِ کہ پانوان تون اوار تیبہ علاقہ نا جتا اِنگا جہہ تیان پاکستانی لشکر پنجاہ آن زیات بندغ دزگیر کننگ آن گُڈ بیگواہ کرینے، ہرافتیٹی کماش او بندغ ہم اوار ءِ ۔
او پارے کہ ہزار آتا کچ بندغ آک کاروبار ، کُننگ ءُ علاج نا وڑ انگا بنیادی آسراتی تیان محروم کننگانو۔
ہندی بندغ آک ہندی سرکار، بندغی حق آتا اداراہ آتیان خواست کرینو کہ جیونی نا حالیت آتا زی آ گامگیج ہرفنگ مرے ءُ شار ئٹی چرینگ نا زی آن رکھ آک مُر کننگ مریر۔
