ضلع چاغی شار ئٹی سلاہ بند بندغ آک بھلو کچ ئس پیہِسا سرکاری جاگہ آتیا قوضہ کرینو۔
حوال تا رد ئٹ سلاہ بند بندغ آک اینو بھلو کچ ئسیٹی چاغی نا شار ئٹی پیہِسہ سرکاری دفتر، بینک، لیویز اسٹیشن و پولیس تھانہ آتیا کنٹرول کرینو۔ سلاہ بند بندغ آک سرکاری سلاہ و سامان تے دوئی کرسا تھانہ و ایلو جاگہ آتے خاخر تسنو۔
شار آ قوضہ کننگ آن پد سلاہ بند بندغ آتا ایلو بشخ آک شار ئنا ہن ءَ بر نا کسر تیا ناکہ بندی کرسا چیک پوسٹ خلکنو و ہن ءَ بر کروک آ لاری تے پٹ ءَ پول کننگ ءُ۔
یات مرے کہ نومبر 2025 ٹی چاغی نوکنڈی ٹی اسہ بھلو فدائی جلہو ئس مسس ہرانا زمہ واری ئے بی ایل ایف ہرفیسس۔
دا کارروائی نا ذمہ واری ئے داسکان ہچو تنظیم ئس ہرفتنے۔
