آواران: توو ئس مُست زوراک آ پاکستانی لشکر نا دو آن زوراکی ئٹ بیگواہ مروکا لیواری نا خاوت اونا آجوئی نا خواست کرے۔
خاوت پارے کہ پاکستانی لشکر لیواری ولد اباس ئے 18 دسمبر 2023 تیرتیج آواران آن دزگیر کرسا بیگواہ کرے کہ انگہ بیگواہءِ۔
او پاریر کہ لیواری اسہ بزغر ئسے ہرا تینا ڈغار تہ زی آ کاریم ئٹی مسُنے، اگہ او میاریءِ اودے عدالت نا مونا ہتیسہ سزا تننگ مرے اگہ او بے میارءِ اودے زوت یلا کرسا نن تون انصاف کننگ مرے۔ دا وڑ بندغ آتے بے میار ئٹ بیگواہ کرسا ننے جنجال کپس۔
خاوت بندغی حق آتا ادارہ تیتون خواست کرے کہ اوفک لیواری نا آجوئی کن توار بُڑز کیر۔
زوراکی ئٹ بیگواہ مروکا لیواری ولد اباس بنیات آن آواران نا ہند گواش ئنا ہندی سے ہرا پاکستانی لشکر نا زوراکی تیان ہنپیسہ تیرتیج آ ہناسس۔
