بلوچ یکجہتی کمیٹی پارینے کہ جیونی، گوادر آن تعلقداری تخوک اِرا مچھی ہلوک پیری عصا و شاہ بخش عمر ئے 6 و 7 جنوری 2026 نا شام جتا چھاپہ غاتا وخت آ اوفتا اُرا تیان پاکستانی لشکر دزگیر کننگ آن پد زوراکی ئٹ بیگواہ کرینے۔
تومکا بندغ تے شش تو اِسکان زوراکی ئٹ بیگواہی نا گواچی کننگ آن پد اوفتا اُرا والا تے اوفتا بارو ئٹ ہچ سرپندی ئس تننگ متنے۔
پدا تومکا بندغ آتا جون آک خننگار ہرافتے آ بھاز لٹ ئہ کُٹ نا پاش نشان آک اسر۔ پیری عصا نا بدن ئٹ ہم لٹ ءَ کٹ ئنا نشان آک اسر، ایلو شاہ بخش عمر نا مون ئنا ہڈ آک پِناسر و بدن آ بھاز آ ٹپ آک اسر۔
درشان نا رد ئٹ دا تدینی تے زوراکی ئٹ بیگواہی و وے قانودی ئٹ کھسفنگ نا اسہ تسلسل نا وڑ ئٹ ہُرنگ مننگ ئٹی ءُ۔ بندغی حق آتا ادارہ غاتا پائننگ ءِ کہ دا وڑ نا کیس آتیٹی منہ وخت مھالو آن بیگواہ بندغ آتا جون تے پد آن سیکورٹی تدینی تیتون اوار کرسہ مونا ہتنگ ئٹی ءُ۔
