بی وائی سی نا دزگیر کننگوک آ رہشون تا غیر منصفانہ و فیس لیس ٹرائل نا برخلاف کوئٹہ ٹی ہدہ جیل نا مونا اوفتا خاہوت آک برانز کریر۔
بی وائی سی نا رہشون تا ہنوکا ہشت دے آن جیل ئٹی فیس لیس ٹرائل نا برخلاف برانز مننگ ءِ۔ بیدس جج آتیان مقدمہ نا کاروائی مونی ہِننگ ءِ۔ فیس لیس ٹرائل تا ذریعت ئٹ تنظیم و اوفتا وکیل آتے سرکاری گواہ و ریاستی موقف آ جرح آن توننگ آن کوشست کننگ مننگ ئٹی ءِ، تانکہ اسہ نمیہ ئی کاروائی تا ذریعت ئٹ تینا پسند نا فیصلہ کننگ مرے۔
ایلو نیمہ غا بی وائی سی نا رد ئٹ رہشون تا خاہوت آک ہدہ جیل نا مونا برانز کننگ ءُ۔
شنگ کننگوک آ بیان ئٹی پاننگانے کہ دا برانز ریاستی انتظامیہ نا نیمہ غان دزگیر کننگوک آ رہشون تے ملاقات نا اجازت وے تننگ و خاہوت آتے بنیاتی حق آن محروم تخنگ نا برخلاف کننگ مننگ ئٹی ءِ۔
بی وائی سی نا رد ئٹ فیس لیس ٹرائل شفاف انصاف و فیئر ٹرائل نا بنیاتی اصول آتا برخلاف ءِ، ہرادے ہچ وڑ ئٹ قبول کننگ مفک۔
بی وائی سی رہشون تا خاہوت آک خواست کرینو کہ اوفتے ملاقات نا اجازت تننگ مرے و فیس لیس ٹرائل نا نوٹیفکیشن واپس ہرفنگ مرے۔ شفاف عدالتی عمل ئے یخینی جوڑ کننگے۔
تینا بیان ئٹی کمیٹی نا پاننگ ءِ کہ بی وائی سی بلوچ راج و کُل باشعور مخلوق آن خواست کیک کہ اوفک اوار مرسا تینا حق آتیکن توار بُڑز کیر۔ اینو ہمو رہشون تا خاہوت آک برانز آ تولوک ءُ ہرافک مدام ننا و نُما حق، انصاف و توار کن سلوک مسنو۔
