شال آن سی ٹی ڈی نا دو آن زوراکی ئٹ بیگواہ کننگ آن پد خلنگ مروکا خوانندہ عمران علی نا خاہوت سرکار آن خواست کرینے کہ اونا جون ئے تننگ مرے۔
عمران علی ئے 27 اگست 2025 آ شال آن سی ٹی ڈی زوراکی ئٹ بیگواہ کننگ آن پد اسہ سال ئسے اسکان اونا خاہوت ئے ہچو حوال ئس تننگ متنے۔ 06 اگست 2026 آ انکوائری کمیشن نا مونا پٹ ءَ پول نا وخت آ اسہ پولیس کارندہ ئس منّانے کہ عمران علی 23 مئی 2026 آ اسہ جنگ ئسیٹی خلنگانے۔
پولیس نا پاننگ ءِ کہ عمران علی نا جون ئے اسہ تو ئسے اسکان تخنگانے کہ چائنداری تہ مرے ولے خاہوت ئے حوال سر متنے گُڑا اودے دفن کننگانے۔
خاہوت خواست کرینے کہ ننے اونا قبر ئے نشان تننگ مرے و اونا جون ئے کشنگ و ننا دو ٹی تننگ مرے۔
خاہوت جنگ ئٹی اونا خلنگ نا ہیت ئے رد کرسا پارینے کہ عمران علی خلنگ آن مُست یانزدہ تو اسکان سی ٹی ڈی نا قید ئٹی مسنے۔ قید آن آجو مروکو مُسہ بندغ عمران علی ئے خننگ نا ہیت ئے پک کرینو۔
خاہوت خواست کرینے کہ عمران علی ئے قید ئٹی خلنگ و اونا قبر ئنا بابت ئٹ جوان وڑ ئٹ پٹ ءَ پول کننگے و ڈوہ دار آتے ہرّفنگ مرے۔
