بلوچ ریپبلکن گارڈز نا ترجمان دوستین بلوچ میڈیا ٹی شنگ کروک بیان ئسیٹی پارے کہ سرمچار آک سبی نا علاقہ ڈنگڑا نا خُڑک، حاجی شہر تھانہ نا حویل ئٹی کوئٹہ آن سندھ و پنجاب آ ہنوکا بلوچ راجی کسر آ ناکہ بندی کرسا لاری تے پٹ ءَ پول کریر۔
ترجمان نا رد ئٹ سرمچار آک کسر ئے تیبہ کنٹرول کننگ آن پد بلوچستان آن پنجاب کن مڈی دروکا اِرا ایل پی جی لاری تے سُمکاری کرسا ناکارہ کریر۔
دوستین بلوچ نا رد ئٹ ناکہ بندی نا وخت ایف سی مُستی بننگ نا کوشست کرے، ہراڑان فوج و سرمچار آتا نیام ئٹی ہُرے اسکان جھڑپ برجاء مس، دا جھڑپ ئٹی فوج ئنا کیہی کارندہ غاک خلنگار و ٹپی مسُر۔
ترجمان مُستی پارے کہ دا جلہو تا ذمہ واری تے ننا تنظیم بی آر جی ہرفک و دُن انگا جلہو آک بلوچستان نا آجوئی اسکان برجاء مرور۔
