نوشتہ کار: خلیل بلوچ
مٹ ءُ بدل: راسکوہ بلوچ
اولیکو بشخ
جان ئٹ سخت نزور ءُ بندغ ئس اَس، دم ئسے نا خننگ ئٹ کس ئس گمان ہم کننگ کتوکہ کہ نظریاتی بنداو آ سخت سوگو و پزور ءِ۔ اگہ کس ئس لس زند ئٹ خنانے تہ اونا رئی آ پار کہ ہشت سال مش ئٹ گدریفینے او باور کپک، ولے گواچِن ہنداد ءِ۔ نہ تنیا ہشت سال مش ئٹ گدریفینے، بلکن دا ہشت سال ئٹی تولنگ نا پن ئے تِتنے۔ وخت ئس ہُر تہ اِرا سنگت و لاغ ئس تد ءِ تہ ءُ دریاب نا پہناد آ (نوشکی) نا دامون ہیمون نا مش تے ئٹ چرینگ ءِ، وخت ئس ہُر تہ سنگت آک تہ تد ءُ خواجہ نا ملک (خاران) نا مش تیٹی خید شولننگ ءِ۔ وخت ئس شور پارود نا شور آتا زی آ شتور ہلنگ ءِ، ولے تولنگ نا پن ئے تِپک۔
تولنگ نا پن انت کہ ہرا دے او پاکستان نا تارمہ انگا زندان آن آجو مسس ءُ مش آ بسس، او بھاز کبین ءُ وخت اسُر شور ئنا سرمچار آتیکن۔ مننگ کیک ہندا خاطر آن ترند جان جوڑ مسس، ولے فکر و نظریہ سوگو و توانمند مفس تو بندغ سخت انگا حالیت آتیٹی ہم تینکن آسراتی پٹک۔ کنا یار دُن الّو! جان ئٹ سخت نزور ولے فکر و نظریہ نا رد ئٹ سخت سوگ و توانمند اَس۔
دا جنگ ئٹی ہرا سختی ئے او خنتوسک؟ دنو سختی کنا خیال ئٹ اف، ولے ہر وڑ ئنا سختی و سوری تیٹی او مخننگ ئٹ ہمگام اَس۔ اونا خواری و پند آتا گواہ راسکوہ تون اوار تیبہ خاران ءِ، شور پارود نا ہر خل اونا پند آتا شاہد ءِ۔ نوشکی نا مِرمروکا چراغ آک اوڑکن انتظار ئٹ ظہیری مرور کہ اسہ لاغر بدن ئس
سرمچنڈ ئس ہمو چُر ءُ شیلہ، گر ءُ گٹ آتا زیبائی مسُنے۔
تِپرہ 2011 یا 2012 اَس بی ایس او آزاد نا کاریم تیکن جوژان نا سنگت ئس بکار اَس، گڑا میرل جان نا ذریعت ئٹ ای اودے خناٹ۔ کنا خیال و چاننگ ئٹ پورَو اسلم شوہاز اَس، انت کاریم ئس کہ اودے تننگاکہ او حُب و است خوائی ئٹ اودے پورَو کریکہ۔
پدا اِرا مسہ سال اِسکان ای اودے خنتوٹ، دا جہد ئٹی بھاز آک نیم کسر آ ڈک کنگر و پدا جنگ ئنا دنز و مج آتیٹی گم مسر۔ ای ہندا سمجھاٹ کہ او جان ئٹ نزور اس ہندا سوب آن بے توار مسُنے ولے او فکر ئٹ سوگو اس۔ مننگ کیک کہ پُر پِت آ کسر تے ئٹ ٹپی مرے، ولے سوگ فکر آ بندغ آک کسر نا اڑ و جنجال آتے ہُرپسہ، بس کارہ کہ او اسہ بھلو مزل ئسے نا مسافر ءُ۔
2013 ئٹ ریاست دنکہ ہڑی اِنگا کچک نا وڑ ئٹ کنا رند ئٹ تماس اَس، گڑا اسہ وار ئس پدا ہندا مرد ِ آہن تون مون پہ مون مسُٹ کہ جان ئٹ ہمو ڈول نزور اَس۔ ولے دا وار کنا ایمان و یقین سوگو مس کہ ہرا ڈول ئٹ گڑا تے ای ہُرنگ اُٹ، اونا گڑا تے ہُرنگ و چاننگ چٹ جتا و سوگ او رنگ ئسے ئٹ ءِ۔ ہندا خاطر آن کنا پٹنگ بھاز مس، ای اونا بابت ئٹ سر ءُ سوج کریٹ، گڑا ہندا سرپد مسُّٹ کہ بھاز ناجوڑ ءِ۔ کُن ءُ خور نا ناجوڑی ئے تہ۔ گولی و دارو تا زی آ زندہ ءِ، ولے ڈغار نا شیدا ءِ۔ ہندا خاطر آن اونا فکر راسکوہ آن گیشتر سوگو ءِ۔
برجا ءِ۔
