بلوچستان نا ضلع مستونگ ئٹی پاکستانی لشکر ئے سلاہ بند بندغ آک جلہو ئٹ ٹک کریر ، جلہو ئٹ پاکستانی لشکر ئے جانی نُسخان مسُنے ءُ اسہ بکتر بند لاری ئس تیبہ بھس کننگانے۔
حوال تا رد ئٹ مستونگ نا ہند اسپلنجی ٹی سلاہ بند بندغ آک پاکستانی لشکر نا پند آ ہنوکا کارندہ آتا جلہو کننگ آن پد بکتر بند لاری ئسے بمب تراک ئٹ ٹک کریر۔
درو پاکستانی لشکر نا پند آ ہنوکا کارندہ غاتے سلاہ بند بندغ آک ہمو وخت جلہو ئٹ ٹک کریر ہراتم لشکری کارندہ غاک علاقہ ٹی بلوچستان نا بیرک ئے مُر کننگ کن بننگ اسُر۔
جلہو آن پد لشکر لاری ءُ موٹر سائیکل آتیا علاقہ ٹی بننگ اسک کہ نادرُست سلاہ بند بندغ آک لشکر نا اسہ بکتر بند لاری ئسے بمب تراک ئٹ بُھس کریر۔
دا جلہو تا ذمہ واری تے داسکان ہچو تنظیم ئس ہرفتنے۔
