کیچ ئنا ہند تمپ ئٹی پاکستانی فوج استو شام ئنا یک بجہ غا تمپ ئنا ہند کونشکلات ئٹی کیپٹن رحیم ولد کریم بخش و شہید غلام مصطفی نا اُراغا چھاپہ خلکنے۔ اُراتیٹی پٹ و پول تون اوار چُنا و زالبول آتیا زوراکی کرینے۔ اُراتا گڑاتے پرغانے، ہندن بھاز گڑا تینتون درینے۔
ایلو نیمہ غا تمپ گومازی آن اسہ سم خلوک ءُ جون ئس دو تمانے۔
خلنگ مروکا بندغ نا چائنداری یاسر ولد ناصر نا پن ئٹ مسُنے، ہرا مند لبنان نا ہندی ئس ءِ۔ اونا جون ئے المی کاروائی کن اسپتال آ دننگ آن پد خاہوت نا دوٹی تننگانے۔
کوش ئنا سوب داسکان چاننگ متنے۔
