کیچ ئنا ہند ہوت آباد ئٹی نادُرست سلاہ بند بندغ آک پاکستانی فوج آ جلہو کریر۔
حوال تا رد ئٹ دا جلہو اینو یانزدہ ءُ نیم آ فوج آ ہمو وخت مسنے ہراتم پاکستانی فوج ئنا مُسہ لاری بالیچہ آن پیشتمسا خیر آباد آ ہِننگ ئٹی مسنو۔
جلہو ہرے اسکان برجاء مسُنے، ہندن گمان ءِ کہ جلہو ئٹی پاکستانی فوج ئے جانی نسخان رسینگانے۔
ایلو نیمہ غا تربت نا ہند سنگانی سر دوراہی آ لاری ئس و موٹر سائیکل ئس ٹھکر لگانو ہراڑان موٹرسائیکل سوار انگا بندغ بیران مسنے۔
حوال تا رد ئٹ بیران مروکا بندغ نا چائنداری امین ولد محمد نا پن ئٹ مسنے ہرا آواران نا ہندی ئسے۔ بیران مروکا بندغ نا جون ئے المی کاروائی کن اسپتال آ دننگانے۔
