حوال تا رد ئٹ پاکستانی فوج 04 جنوری آ کوئٹہ نا ہند کلی سوراب خان آن نصیب اللہ ولد شاہ داد ئے اُراغان برمتہ کرسا بیگواہ کرینے۔ پن کروک بندغ نیشنل پارٹی نا باسک ئسے و کلی سوراب خان نا ہندی ئسے۔
ہندا شام 04 جنوری 2026 آ شال ئنا ہند کلی سوراب خان آن پاکستانی فوج حاجی شاہ بخش نا اِرا مار عمر بلوچ و داؤد بلوچ و پین چُنک سن ءُ مار ئس گہرام ولد فیض محمد ئے برمتہ کرسا بیگواہ کرے۔
پانک ئنا رد ئٹ عمر بلوچ بی ایس نا خوانندہ ئسے و داؤد بلوچ مستری ئسے۔ پاکستانی فوج ئنا دو آن دزگیر کننگ آن پد اوفتا ہچو ڈس ئس اف۔
خاہوت نا رد ئٹ شام ئنا فوج اوفتا اُراغا چھاپہ خلِسہ اُرا تیٹی پٹ ئہ پول کرسہ پن کروکا بندغ آتے بیدس سوب آن دزگیر کرسا تنیتون درے۔
ہندُن کیچ آن حوال ءِ کہ پاکستانی فوج مند ئنا علاقہ گوبرد ئٹی استو شام ئنا اُرا اُرا ئے پٹانے، ہندا وخت بشیر ولد گل محمد نا اُراغا چھاپہ خلِسہ اونا اِرا مار سرور و حاضر بلوچ ئے دزگیر کرسا بیگواہ کرینے۔
