بلوچستان ئٹی زوراکی ئٹ بیگواہیک چرجوئی ئٹ برجاء ءُ، ہراڑے شال و مستونگ آن مُسِہ بندغ نا زوراکی ئٹ بیگواہی نا حال رسینگانے و شال آن شش تو مُست بیگواہ کننگوکو بندغ ئس آجو مسونے۔
حوال آتا رد ئٹ کوئٹہ آن سفر خان ولد محمد حسن ئے 16 اگست آ اونا اُراغان نن ئنا 04:00 بجہ غا بیگواہ کننگانے۔
ہندا وڑ کوئٹہ منوجان کسر آن 21 سالی آ حافظ جمیل ولد چھٹا خان ئے 09 ستمبر آ نن ئنا 02:30 بجہ غا اونا اُرا غان دزگیر کننگ آن گُڈ بیگواہ کننگانے۔
ہندا وڑ مستونگ نا ہند کردگاپ آن 21 سالی آ عبدالکریم ولد غلام نبی ئے 21 اگست آ دزگیر کننگ آن گڈ بیگواہ کننگانے۔
مسٹ انگا بندغ آتا خاہوت آتا پاننگ ءِ کہ اوفتا بندغ آتے سی ٹی ڈی و ایلو ادارہ غاک بیگواہ کرینو۔
ایلو نیمہ غا کلی قمبرانی سریاب روڈ ئنا ہندی سیف اللہ ولد عطاء اللہ، ہرادے 12 مارچ 2026 آ بیگواہ کننگاسس، 11 ستمبر 2026 آ ہدہ جیل آن آجو مسونے۔
