پنجگور ئٹی پاکستانی فوج چھاپہ خلِسہ پنچ ایلم تیتون اوار خاہوت نا شش بندغ ئے برمتہ کننگ آن پد بیگواہ کرے۔
حوال تا رد ئٹ بیگواہ کننگوک آ بندغ آتا چائنداری امید علی بلوچ، عالم بلوچ، انس بلوچ و اویس بلوچ ولد علی و اشرف بلوچ ولد دین محمد نا پن تیئٹ مسُنے۔ استو پاکستانی فوج پنجگور نا ہند بونستان، چونگی ٹی چھاپہ خلِسہ پن کروک بندغ آتے برمتہ کننگ آن پد بیگواہ کرینے۔
خاہوت اوفتا زوراکی ئٹ بیگواہی نا ہیت ئے پک کرسا پارینے کہ امید علی، عالم، انس و اویس تیتون ایلم ءُ و اشرف اوفتا الہ ءِ۔ او پاریر کہ فوج ننا بندغ آتے برمتہ کننگ آن پد ننے اوفتا بارو ئٹ ہچو حوال ئس تننگ اف۔
