بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارے کہ بی ایل ایف نا سرمچارک بلوچستان نا جتا علاقہ آتیٹ 12 کاروائی تیٹی 12 فوجی کارندہ مرگ ئنا گواچی و کیہی تے ٹپی کریر۔
بیان ئٹ کاروائی تا شابیت حوال تے ترسا او پارے کہ بی ایل ایف نا سرمچارک اینو دے ئنا 12:00 بجہ نا وخت آ بولان ئٹ سراج آباد نا ہند آ سنگر ہلِسہ بھلا کسر آ پاکستانی فوج ئنا مُسہ گاڑی ئے ٹک کریر۔ دا جلہو ئٹ دشمن نا مُسہ فوجی کارندہ مرگ ئنا گواچی و کیہیک ٹپی مسُر و گاڑی تے نسخان مس۔
بلوچستان لبریشن فرنٹ نا سرمچارک اسِہ دسمبر نا نن دوانزدہ بجہ نا وخت آ بارکھان نا علاقہ دولہ جھل ٹی پولیس چیک پوسٹ ئے گھیرہ کریر و کارندہ غاتے دزگیر کریر۔ دا وخت آ خُڑک ئٹ ساڑی پاکستانی فوجی کیمپ آن اِرا گاڑی و ہفت موٹر سائیکل آتیا سوار فوجی کارندہ سرمچار تے گھیرہ کننگ نا کوشست کریر ہرا نا بھرم ئٹ فوج و سرمچار تا نیام ئٹ جھڑپ بناء مس۔ سرمچارک اسہ فوجی گاڑی و اِرا موٹر سائیکل آ سوار فوجی کارندہ غاتیا خُڑک آن جلہو کریر ہراٹی چھار ایف سی کارندہ مرگ ئنا گواچی و کیہیک ٹپی مسُر۔ واہم سرمچارک پولیس کارندہ غاتے ہچو نسخان تتور۔
دسمبر نا اسِہ تاریخ آ ننکان آواران نا علاقہ چیری مالار ئٹ دمب ئنا جہہ آ ساڑی کوزہ گیر فوج ئنا سیکیورٹی آ ساڑی کارندہ غاتے سرمچارک اسنائپر جلہو ئٹ ٹک کریر۔ زرہ ئسے آن گڈ سرمچار تا ایلو ٹولی کیمپ ئنا پد آ پوزیشن ہلک و کیمپ آ آر پی جی نا گولہ خلک ہرا کیمپ ئنا تہٹی ٹِک کننگوک ہند آ تمار ہرانا سوب آن فوج ئے پین جانی و مالی نسخان مس۔
اسہ پین کاروائی ئسیٹی اسِہ دسمبر نا نن بی ایل ایف نا سرمچارک رخشان نا علاقہ ٹی سی پیک نا بنجائی کسر آ چھار ساعت اسکان کسر ئے تفیر و اسنیپ چیکنگ کریر۔ پٹ ئہ پول نا وخت آ سرمچارک کوزہ گیر فوج ئنا ہچو کارندہ یا سرکاری گاڑی و مخبر خنتور۔
اسِہ دسمبر آ ننکان پنچ بجہ نا وخت آ بی ایل ایف نا سرمچارک بلیدہ نا علاقہ گلی ٹی ساڑی کوزہ گیر پاکستانی فوج ئنا کیمپ آ بھلا سلاہ تیٹ جلہو کریر، جلہو ئٹ کیمپ ئے گرنیڈ لانچر نا کیہی گولہ خلکُر ہرا فوجی کیمپ ئنا تہٹی تمار، ہرانا سوب آن کوزہ گیر فوج ئے جانی و مالی نسخان رسینگا۔
اسِہ دسمبر آ دے ئنا دو بجہ نا وخت آ بی ایل ایف نا سرمچار تا اسہ اسنائپر ٹیم ئس تمپ ئنا علاقہ پل آباد ئٹ فوجی کیمپ ئنا رکھوک آ مورچہ ٹی ساڑی کارندہ غاتے ٹک کرسا مرگ ئنا گواچی کریر ہراڑان گڈ سرمچارک کیمپ و اونا بنجائی درگہ ئے آر پی جی و ایلو بھلا سلاہ تیٹ ٹک کریر۔ دا جلہو ئٹ سرمچارک فوجی کیمپ ئنا سرویلنس کیمرہ غاتے ٹک کرسا نسخان تسُر۔
اِرا دسمبر آ سہب ئنا نُہہ و نیم آ سرمچارک تربت نا کھیب ئنا علاقہ و ماشااللہ ہوٹل نا نیام ئٹ اِرا فوجی گاڑی و اِرا موٹر سائیکل آتیا ساڑی کوزہ گیر لشکر نا کاروان آ سنگر ہلِسہ جلہو کریر۔ جلہو ئٹ اسہ گاڑی ئسیٹی سوار مُسہ فوجی کارندہ مرگ ئنا گواچی و اِرٹ ٹپی مسُر و گاڑی ئے بھاز نسخان مس۔ جلہو آن گڈ دشمن لشکر خُڑک ساڑی فوجی کیمپ آن سرمچار تیا مارٹر گولہ خلک واہم سرمچار سلامتی ئٹ پیشتمنگ ئٹ سرسوب مسُر۔
پنچ دسمبر آ شام ئنا چھار بجہ نا وخت آ سرمچارک گیشکور نا علاقہ گراڑی ٹی ساڑی فوجی کیمپ ئے جلہو ئٹ ٹک کریر۔ سرمچارک کیمپ آ آر پی جی نا کیہی گولہ خلکر ہرا کیمپ ئنا تہٹی تمار، ہراڑان دشمن ئے جانی و مالی نسخان رسینگا۔
پنچ دسمبر آ بی ایل ایف نا سرمچارک کچھی و جھل مگسی ٹی مُسہ جتاؤ جہہ آ اسہ وخت آ پولیس چیک پوسٹ آتیا جلہو کریر، ہراٹی اِرا کچھی تھانہ و اسہ جھل مگسی پولیس تھانہ اوار اسُر۔ سرمچارک اولیکو جلہو ئے کچھی نا علاقہ کوناڑو و ایلو جلہو گاجان نا پولیس چیک پوسٹ آ کریر۔ واہم ہڑتوما پولیس تھانہ غاتا کارندہ غاک منَہ ساعت مُست تھانہ ئے الِسہ نرار۔
مُسٹمیکو جلہو ئٹ سرمچارک جھل مگسی نا علاقہ کوٹڑو ٹی پولیس تھانہ ئے گھیرہ کریر۔ تھانہ ٹی ساڑی کارندہ غاک سرمچار تیا سمکاری بناء کریر۔ سرمچارک تنظیمی پالیسی آ عمل کرسا پولیس کارندہ غاتے نسخان تتور۔ واہم میڈیا نا ذریعت ئٹ پن کروک تھانہ نا کارندہ غاتے خبڑدار کیکہ کہ سرمچار آتون مزاحمت کننگ آن پد مریر نہ تو تینا جانی نسخان نا ذمہ وار تینٹ مرور۔
بلوچستان لبریشن فرنٹ دا 12 کاروائی تیٹ 12 فوجی کارندہ نا مرگ ئنا گواچی مننگ، رخشان ئٹ سی پیک روڈ ئے تفنگ و کچھی و جھل مگسی ٹی پولیس تھانہ غاتیا جلہو نا ذمہ داری تے ہرفک و دا قول ئے کیک کہ بلوچستان نا آجوئی اسکان کوزہ گیر پاکستانی لشکر آ جلہوک برجاء مرو۔
no
