بلوچستان نا ضلع پنجگور نا تحصیل پروم نا علاقہ پل آباد آن زوراکی ئٹ بیگواہ کننگوک عبدالوہاب ولد محمد عمر نا جون خننگانے۔
پن کروک بندغ تربت نا علاقہ زامران نا جہی ئس اسک، ہرادے 27 اکتوبر 2025 آ پاکستانی فوج ئنا جوڑ کروک ڈیتھ اسکواڈ نا کارندہ غاک بیگواہ کریسُر۔
جہی بندغ آتا پاننگ ءِ کہ پن کروک بندغ ئے بیگواہ کننگ نا وخت آ سُم ئس خلنگاسس ہرا اونا نت ئٹ لگاسس۔
پن کروک بندغ نا جون اینو پل آباد نا علاقہ آن خننگانے۔
