بلوچ لبریشن آرمی نا ترجمان جیئند بلوچ میڈیا ٹی شنگ کروک تینا بیان ئسیٹی پارے کہ ننا سرمچارک مستونگ، تُربَت، کوہلو و چمالنگ ئٹی چھار جتا ءُ جلہو تیٹی کوزہ گیر پاکستانی لشکر ئے نسخان ترسہ جوڑشتی کمپنی نا سکیورٹی کارندہ تے دزگیر کرسہ اوفتا سلاہ تے ضبط کریر۔
ترجمان پارے کہ بلوچ لبریشن آرمی نا سرمچارک درو مستونگ نا ہند دشت جلو گندان ئٹی کوزہ گیر پاکستانی لشکر نا پند آ ہنوکا کارندہ تے سنگر ہَلِسہ جلہو ئٹ ٹک کریر ہرافک ریلوے ٹریک نا صفائی ٹی اسُر ، جلہو ئٹی پاکستانی لشکر نا ارا کارندہ مرگ ئنا گواچی مسر و اسٹ ئس ٹپی آ حالیت ئٹ نرّا۔
او پارے کہ بلوچ لبریشن آرمی نا سرمچارک درو تربت شار ئٹی پارک ہوٹل نا خُڑک کوزہ گیر پاکستانی لشکر نا چیک پوسٹ ئے چغلی بمب جلہو ئٹ ٹک کرسہ جانی و مالی نسخان تِسُر ۔
ترجمان مُستی پارے کہ بلوچ لبریشن آرمی نا سرمچارک درو ویگ ئنا کوہلو نا ہند سنہڑی ٹی استحصالی گیس کمپنی نا سکیورٹی کن جوڑ مروک کیمپ آ جلہو کرسہ اونا پرائیوٹ کارندہ تے دزگیر کرسہ اوفتا سلاہ تے ہرفیر ، پرائیویٹ کمپنی نا جہی آ کارندہ تے تِڑی ترسہ یلہ تِسُر ۔
او پارے کہ اسہ پین کاروائی سیٹی بلوچ لبریشن آرمی نا سرمچارک چمالنگ ٹرپل موڑ آ استحصالی کوئلہ کمپنی نا سکیورٹی کیمپ آ جلہو کرسہ اوڑے تولوک کارندہ تے دزگیر کرسہ اوفتا سلاہ تے ہرفیر ، جہی بندغ مننگ نا سوب پرائیویٹ کمپنی نا کارندہ تے تڑی تننگ آن پد یلہ تِسُر ۔
او پارے کہ بلوچ لبریشن آرمی استحصالی کمپنی تون اوار کُل بندغ تے خبڑدار کیک کہ دا کمپنی تا سکیورٹی تننگ یا پین سہولت کاری آن مُر مریر ، دا وڑ ئنا کاریم تیٹی بندغ آک تینا جان و مال ئنا نسخان نا ذمہ وار تینٹ مرور ۔
