بلوچستان نا ضلع کیچ ئنا بھلا شار تربت نا علاقہ ساہجی ٹی لشکر کشی ارٹمیو دے برجاء ءِ۔ اندن کولواہ آن حوال رسینگانے کہ علاقہ ئٹ لشکر کشی مننگ ءِ۔
حوال تا رد ئٹ ساہجی نا مشی ہند ئٹی فوجی آپریشن ارٹمی دے ہم برجا ءِ، و زمینی فوج ساہجی نا جتا ہند آتیا کاروائی تے ترند کرینے۔
اندن حوال رسینگانے کہ درو آن مُسہ، چار ہیلی کاپٹر و ڈرون ساہجی نا مشی علاقہ تیٹ کیہی گھنٹہ اسکان بال کرینو و زمینی فوج ئنا بھلو کچ ئس مش ئنا خُڑک برسا کیمپ جوڑ کننگ ءِ۔
دا لشکر کشی ٹی دائسکان پین جانی یا مالی نسخان نا حوال اف۔
ایلو کنڈ آن کولواہ آن حوال ءِ کہ پاکستانی فوج علاقہ ئٹ لشکر کشی بناء کرینے۔
زرمبش حوال تروک نا پاننگ ءِ کہ سہب آن پاکستانی فوج و ڈیتھ سکواڈ نا کارندہ غاک علاقہ ئٹ پترینگانو و لشکر کشی کننگ ءُ۔
دا رد ئٹ ودیک حوال دائسکان دو بتنے نئے کہ دزگیری و جانی نسخان تا حوال مونا بسنے۔
