بلوچستان نا بھلا شار کوئٹہ آن اِرا بلوچ خوانندہ وہاب بلوچ و نذیر بلوچ نا زوراکی ئٹ بیگواہی نا حوال رسینگانے۔
حوال آتا رد ئٹ اِرٹنگا خوانندہ غاتے استو بروری نا ہند عیسیٰ نگری ٹی اوفتا رہینگوکا جاگہ غان پاکستانی لشکر چھاپہ خلِسہ دزگیر کننگ آن پد بیگواہ کرینے۔
17 سالی آ وہاب بلوچ سردشت، کُلانچ ضلع پسنی نا ہندی و ایف ایس سی نا خوانندہ ئسے۔
ایلو نیمہ غا نذیر بلوچ، ہرا مستونگ نا ہند اسپلنجی نا ہندی ئسے، بی ایس نرسنگ نا خوانندہ و کوئٹہ نا اسہ پرائیوٹ ادارہ سیٹی خواننگ ئٹی اسک۔
بلوچ اسٹوڈنٹ تنظیم، بندغی حق آتا باسک و سول سوسائٹی دا تدینی ئے بھاز شیف خلِسہ پارینو کہ بلوچستان ئٹی خوانوک آ ورنا تے زوراکی ئٹ بیگواہ کننگ اسہ بھلو انسانی جیڑہ ئس جوڑ مسُنے۔
