بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا بیان ئٹی پارینے کہ ڈھاڈر نا علاقہ اللہ یار شاہ ئٹی گشت ئنا وخت آ شام ئنا 05:00 بجہ غا بی بی ایل ایف نا سرمچار آک پولیس نا اسہ گشتی ٹیم ئسیتو مون پہ مون مسُر، سرمچار آک کاروائی کرسہ پولیس کارندہ تے دزگیر کرسہ اوفتا سرکاری سلاہ تے ضبط کریر و اوفتا سرکاری لاری ئے ہُشار۔
او پارے کہ پولیس کارندہ تیان سر سوج کننگ آن معلوم مسک کہ او بلوچ الس و راجی جنز ئنا برخلاف انگا کاریم تا بشخ متنو، ہندا سوب آن اوفتے ہچ وڑ نا نسخان تننگ آن بیدِس یلہ کننگا۔
ترجمان پارے کہ بلوچستان لبریشن فرنٹ ڈھاڈر ئٹی پولیس کارندہ تے دزگیر کننگ، اوفتا لاری ئے ہُشنگ و اوفتا سلاہ تے ضبط کننگ نا ذمہ واری ئے ہرفِک۔
