حوال آتا رد ئٹ ضلع بولان نا علاقہ ڈھاڈر ئٹی اللہ یار شاہ نا خُڑک پولیس نا گشتی ٹیم ئے نادرست سلاہ بند بندغ آک برمتہ کرسہ اوفتا سلاہ و ایلو سامان تے ضبط کریر و پولیس نا لاری ئے ہم ہشار، واہم پولیس کارندہ تے وارننگ تننگ آن پد یلہ کریر۔
ایلو نیمہ غا دارالحکومت کوئٹہ نا ہند سریاب ئٹی نادرست سلاہ بند بندغ آک پولیس کارندہ تے برمتہ کرسہ اوفتا سلاہ، بلٹ پروف جیکٹ و ایلو سامان تے ضبط کریر۔
ایلو نیمہ غا ضلع کیچ ئنا ہند تربت ئٹی ایم 8 کسر آ ایف سی نا چیک پوسٹ آ نادرست جلہوکار آک جلہو کریر ۔ ہندی بندغ آتا رد ئٹ سمکاری آن مست اِرا بھلو تراک نا توار مسنے اوکان پد جھٹ جھٹ آ سمکاری برجاء مسُنے۔
دا جلہو تا ذمہ واری تے دائسکان ہچو تنظیم ئس ہرفتنے۔
