بلوچستان نا ضلع خضدار نا تحصیل زہری گدرینگوکا کیہی دے تیان پاکستانی لشکر نا محاصرہ ٹی ءِ، و علاقہ ٹی کرفیو خلنگانے۔ پوسکُن رسینگوک حوال تا رد ئٹ لشکر نا ڈرون جلہو ئٹی پنچ بندغ بیران و مسٹ ٹپی مسنو۔
ہندی حوال تا رد ئٹ 05 اکتوبر آ زہری نا علاقہ مولہ پس بیل چھاڑی ٹی ڈرون و ہیلی کاپٹر آتیئٹ شیلنگ و بمباری کننگا، ہرانا بھرم ٹی پنچ بندغ ہمو ہند آ بیران و مسٹ ٹپی مسُر۔
بیران مروکا تیٹی منظور احمد ولد عبدالحکیم اونا اِرا چُنا و اسہ ایڑ ئنا چُناس، بی بی رحیمہ اونا اسہ چُنا ئس اوار ءُ۔ ٹپی مروکا تیٹی بی بی رحیمہ نا اسہ مسڑ و مار ئس اوار ءُ۔
ہندن منہ دے مُست زہری نا علاقہ نورگامہ ٹی پاکستانی لشکر نا سمکاری آن اسہ ورناس بیران مسُنے۔
