اسلام آباد ئٹی بلوچ یکجہتی کمیٹی نا نیمہ آن برجاء انگا برانز نا سربراہ ڈاکٹر ماہ رنگ بلوچ چاگڑدی رسانکدر ایکس آ نوشتہ کرِسا پارے کہ زوراکی ئٹ بیگواہ آ بندغ آتا خاوت آک دے پہ دے زیات مننگءُ ۔ ریاست دا تحریک ئے ختم کننگ کن جتا جتاءُ چال و زوراکی کارمرز کننگ ءِ ۔
او پارے کہ ریاست دا ہیت ءِ تپک ننا ہمت ریاست نا زوراکی تیان گیش مظبوطءِ ۔ دا وڑ ءُ چال و زوراکی ننے نِزور کننگ کپک بلکہ ننا تحریک ئے زیات مہکمی ئٹ مونا دیک ۔
ڈاکٹر ماہ رنگ بلوچ پارے کہ نن کُل جہان نا بندغ آتیان خواست کینہ کہ او بلوچ نسل کُشی نا برخلاف آ دا جہد ئٹی ننتون کمک کیر ۔
