بلوچستان نا ضلع کیچ ئنا بھلا شار تُربَت ئٹ استو آن پاکستانی لشکر نا لشکر کشی و زوراکی برجاء ءِ۔
ہندی حوال تا رِد ئٹ تربت نا علاقہ ملک آباد و کوشک ئٹ لشکر کشی نا وخت آ جہی بندغ آتا اُرا تیا چھاپہ خلسہ کیہی بندغ آتے زوراکی ئٹ بیگواہ کننگانے۔
حوال تا رد ئٹ امام بخش نا مار حمل، الطاف نا مار شاہ سلیم ملک آباد کوشک نا جہی، محمود نا مار عبدالمجید تینا ارا مار ئتون اوار، حاصل نا مار ظہور تینا اِرا مار ئتون اوار، پاکستانی لشکر نا دو آن زوراکی ئٹ بیگواہ کننگانو۔
دائسکان ایلو بیگواہ کننگوک بندغ آتا چائندئی مننگ کتنے۔
