بلوچستان نا علاقہ تربت آن اسہ بندغ ئسے نا جون خننگانے و نوشکی آن اِرا بندغ پاکستانی لشکر زوراکی ئٹ بیگواہ کرینے۔
حوال تا رد ئٹ تربت و پسنی روڈ آ ساڑی بانک چهڑائی نا ہند آ اسہ بندغ ئسے نا جون خننگانے ہرادے چائندئی کن ٹیچنگ اسپتال تربت آ رادہ کننگانے۔
اسپتال آن رسینگوک حوال تا رد ئٹ جون آ بیدادی تا نشان ارے ہراڑان پھاش مریک کہ کھئوکا بندغ ئے کھسفنگ آن مُست بیدادی نا گواچی کننگانے۔
ایلو کنڈ آن نوشکی آن حوال رسینگانے کہ 16 مئی 2025 آ پاکستانی لشکر ضلع نوشکی نا علاقہ قادر آباد آن منظور احمد و ظہور احمد ولد عزیز اللہ مینگل پنیئو اِرا بندغ دزگیر کرسا تینتو درینے ہراکان گڈ ہڑتوما تا ہچ ڈس اف۔
