بلوچستان ئٹی زوراکی نا بیگواہی تا برخلاف وائس فار بلوچ مسنگ پرسنز (وی بی ایم پی) نا برانزی کیمپ، کوئٹہ پریس کلب نا مونا اینو 5847 میکو دے برجاء سلیس۔
دا وخت آ تنظیم نا ایگزیکٹو کمیٹی نا باسک نیاز نیچاری ماہ جبین ئے مونا ہتپرنگ ئے شیف خلک و بلوچ نیاڑی نا آجوئی نا خواست ئے کرے۔
او پارے کہ داسہ زوراکی نا بیگواہی تیٹ بھیم تروک کچ اسکان ودکی مسنے، بلوچستان نا جتا علاقہ تیٹی ریاستی و ڈیہی سلامتی نا پن آ بیدس قانود بلوچ آتے بیگواہ کننگک و اوفتا جشوک جون تِہ ویران آ تیٹ خسنگک و اوفتن دروغ ئنا مون تس ئٹ خلنگ مریک۔ ہرانا سوب آن بلوچستان نا بندغ آک بھیم ئنا گواچی ءُ، ہرا ڈیہی سلامتی کن جوان اف۔
نیاز نیچاری خواست کرے کہ ماہ جبین تون اوار کُل بیگواہ کننگوک بندغ آ تِہ آجو کننگ مرے و ڈیہی سلامتی نا پن ئٹ بیدس قانود بندغی حق آتا لتاڑ ئے ایسر کننگِہ و بلوچستان تون ڈیہی قانود آتا ردئٹ روشت تینائی کننگِہ۔
