بلوچستان نا ضلع دُکی ٹی “سی ٹی ڈی” دروغ ئنا مونتس ئسیٹی پنچ بندغ ئے کھسفنگ نا دعوی کرینے۔
سی ٹی ڈی نا پاننگ ءِ کہ خلنگ مروک بندغ آتا تعلقداری سلاہ بند تنظیم آتان اَس و اوفک ریاست نا برخلاف کاریم تیٹی اوار مسنو۔ ولے دا کاروائی آ بندغی حق آتا تنظیم و علاقہ نا بندغ آتا کُنڈ آن سوج ہرفنگ مننگ ئٹی ءِ۔
سی ٹی ڈی نا رد ئٹ ڈھکوک حوال رسینگ آ کاروائی کننگا۔ جوابی کاروائی ٹی پنچ بندغ خلنگار۔ ہندن اوفتے آن سلاہ و تراک کروک شورہ دو تمانے۔
سی ٹی ڈی نا کاروائی تے آ گدرینگوک آ وخت ئٹی شکّ کننگانے۔ گدرینگوکا سال تیٹی جتا علاقہ غا تیٹی سی ٹی ڈی نا کنڈ آن مروک مونتس آک دروغ مسنو۔
خلنگ مروک پنچ بندغ نا چائنداری داسکا متنے۔
