خاران آن رسینگوک حوال تا رد ئٹ نادرست آ سلاہ بند بندغ آک اینو ننکان 9 بجہ نا وخت آ خاران ئٹ ایم آئی نا دفتر آ جلہو کرینو۔
حوال تا رد ئٹ خاران شار ئٹ ریڈ زون ئٹ ساڑی ملٹری انٹیلیجنس (ایم آئی) نا دفتر آ جلہو کننگانے و ہُرے اسکان سمکاری نا توار بِننگ مسنے۔
یات مرے کہ 28 مئی آ اندا جہہ آ سلاہ بند بندغ آک ایم آئی نا قافلہ غا جلہو کریُسر ہرا نا ذمہ واری ئے بلوچستان لبریشن فرنٹ (بی ایل ایف) ہرفیسس۔
بلوچ آجوئی خواہوک سلاہ بند تنظیم بی ایل ایف نا دا جلہو ئٹ اِرا فوجی کارندہ مرگ ئنا گواچی و مُسٹ ٹپی مسوسر اندن اسہ گاڑی ئس تیبہ تباہ مسس۔
