بلوچستان نا ضلع واشک نا ہند سکن ئٹی اینو سہب ئنا پاکستانی لشکر نا اسہ گاڑی ئسے تراک ئٹی ٹِک کننگانے۔ تدینی ہموتم مس ہراتم پاکستانی لشکر علاقہ ئٹی لشکر کشی ٹی اختہ اسک۔
حوال تروک آتا رد ئٹ تراک بھاز بھلن اسک ہراٹی گاڑی تیبہ بھُس مسُنے و اوٹی سوار کُل کارندہ غاک مرگ ئنا گواچی و ٹپی مسُنو۔
یات مرے کہ ہنوکا مُسہ دے آن پاکستانی لشکر بھلو کچ ئسیٹی سکن و ہیب ئہ کھیب نا ہند آتیٹی لشکر کشی کننگ ءِ۔ اینو نادُرست آ سلاہ بند بندغ آتا تراک ئٹی لشکر ئے سخت جانی و مالی نسخان مسُنے۔
واہم کالخواہ تا پارہ غان ہچو بیان مونا بتنے۔ دائسکان جلہو نا زمہ واری ئے ہم ہچو تنظیم ئس ہرفتنے۔
