درے نن بلوچستان نا ضلع آواران نا علاقہ مالار مچھی ٹی پاکستانی لشکر نا سمکاری آن اِرا بندغ بیران و اسہ زالبول ئس ٹپی مسنے۔
حوال تا رد ئٹ، نن ئنا یک بجہ نا وخت آ پاکستانی لشکر کیہی اُرا تیا جلہو کرے، دا وخت آ مخلوق مزاحمت کرے تو پاکستانی لشکع تینا مون سمکاری کرے۔
سمکاری ٹی سنجر بلوچ نا مار نعیم بلوچ و قاسم نا مسڑ حوری پنیئو پیرو نیاڑیس بیران مس۔ اندن نعیم بلوچ نا لمہ دادی بلوچ بھاز ٹپی مس۔
جہی بندغ آتا پاننگ ءِ کہ نن درست ٹپی آ نیاڑی ئے جانجوڑی کمک تننگ متو و ایلو دے سہب ئنا، بھاز نازرک حالیت ئٹ اودے آواران نا اسپتال آ رادہ کننگا۔
