بلوچستان لبریشن فرنٹ نا ترجمان میجر گہرام بلوچ تینا درشان ئٹ پارینے کہ 24 مئی 2025 آ سوب ئنا 9 بجہ آ بی ایل ایف نا سرمچارک کولواہ گیشکور نا علاقہ ساجدی بازار ئٹی ہموتم تراک کرسہ پاکستانی لشکر ئے ٹک کریر ہراتم دشمن لشکر نا چھار کارندہ لشکر نا الاخ آتا رکھنگ کن کسر نا اسکریننگ کرسہ ہمو ہند آ سر مسر، ہراڑے مہالو آن ساڑی سرمچارک بمب ئس تخسہ لشکر نا کارندہ آتیکن ہُننگ ئٹی اسُر۔ بمب ئنا تراک آن ارا لشکری کارندہ ہمو ہند آ کھسکر و ارٹ بھاز ٹپی مسر۔ کہوکا کارندہ تیٹی نائیک ولی سبحان ہم اوار اسک ہرا نوشہرہ نا ہندی ئس اسک۔
او پارے کہ دا گپ صاف مرے کہ کوزہ گیر لشکر و سیکورٹی ادارہ غاک بلوچستان ئٹی سرمچار آتیتون جنگ ئٹی خلنگ مروک لشکری کارندہ تا کچ ئے بھازیکا ڈھکیرہ۔
ترجمان پارے کہ بلوچستان لبریشن فرنٹ کولواہ ٹی پاکستانی لشکر آ آئی ای ڈی بمب جلہو نا ذمہ واری ئے ہرفِسہ فوج ئٹی کاریم کروک پشتون، سندھی و سرائیکی کارندہ تے دا مشورہ ئے ایتک کہ او بلوچ نسل کشی ٹی پنجابی جرنیل آتا کمک ئے کپس و بلوچستان ئٹی کاریم کننگ آن نمن کیر۔
اونا پاننگ اسک کہ کولواہ ساجدی بازار نا ہند آ کوزہ گیر پاکستانی لشکر آ مروکا آئی ای ڈی بمب جلہو نا ویڈیو ئے تنظیم نا میڈیا سیل آشوب آ زوت آن زوت شنگ کننگ مرو۔
