بی ایل ایف نا ترجمان میجر گہرام بلوچ تینا شنگ کروک بیان ئٹی پارے کہ پانزدہ مئی 2025 آ شام ئنا 6:30 آ بلوچستان لبریشن فرنٹ نا سرمچارک گوادر نیشنل ہائی وے (این ایچ 25) لنک ئنا رکھ کن خلنگ مروکا، نال ئنا ہند ھڑنبو چڑھائی آ اڈ ہلوک لیویز چوکی ئے گھیرہ کرسا کوزہ کریر و اوڑے ساڑی کُل سرکاری سلاہ و ایلو مڈی تے دوئی مسُر۔
ترجمان پارے کہ واہم ڈیوٹی آ ساڑی کارندہ تے بندغی و بلوچ مننگ نا سوب آن نسخان تننگ آن بیدس یلہ کریر۔
او ایسر ئٹ پارے کہ بی ایل ایف ہڑنبو چڑھائی نال، لیویز چوکی آ کوزہ و سرکاری سلاہ تے دوئی مننگ نا زمہ واری ئے ہرفک و بلوچستان نا آجوئی اسکان کوزہ گیر پاکستان نا ریاستی مشینری نا کُل پُرزہ غا تیا جلہو تے برجاء تخنگ نا قول ئے کیک۔
