بی ایل ایف نا بنجائی میڈیا سیل “ آشوب پبلیکیشنز” نا پارہ غان تنظیم نا مُسہ تووئی میگزین”سرمچار” (فروری تا مئی 2025) و توئی تاخ “اسپر” (مئی 2025) نا پوسکنا شمارہ غاک شنگ کننگانو۔
پوسکنا شمارہ “سرمچار” ٹی راجی راہشون و بی ایل ایف نا مُہبر ڈاکٹر اللہ نذر بلوچ نا جہانی مخلوق و جہانی تاغت آتا پن آ اہم انگا کلہو اوار ءِ۔
داکان بیدس جتا بلوچ تجزیہ نگار و نوشتہ کار آتا نظریہ و سیاسی انگریزی کالم، بی ایل ایف نا ہنوکا مُسہ توو ئنا سلاہ بند کاروائی تا شابیت آک، تجزیہ و انفوگرافکس ہم اوار کننگانو۔
ایلو کنڈ آن توئی “اسپر” نا ہشتمیکو شمارہ ادبی، نظریہ و سیاسی نوشت آک اوار ءُ، ہراٹی اردو و بلوچی زبان تا سرحال آک اوار ءُ و شمارہ نا اداریہ براہوئی زبان ئٹ نوشتہ کننگانے۔ داشمارہ ٹی ڈاکٹر اللہ نذر بلوچ نا خاص ویڈیو کلہو ہم نوشتئی دروشم ئٹ اردو زبان ئٹی تننگ مسُنے۔ داکان بیدس، مُسہ تووئی” سرمچار” ٹی شنگ مروکا انگریزی انٹرویو تا اردو مٹ ہم” اسپر” نا ٹیم اوار کرینے۔
میگزین ئٹی اپریل 2025 نا شہید آتے دروت ندر کرسا اوفتا عکس آتے خاص ڈیزائن ئٹی اوار کننگانے و اندا توو ئٹی بی ایل ایف نا کنڈ آن کروکا کاروائی تا شابیتی رپورٹ و تجزیہ ہم اوار کننگانے۔
یات مرے کہ بی ایل ایف نا رد ئٹ” آشوب پبلیکیشنز” بلوچ ورنا تا فکری و نظریاتی تربیت کن ہر توو” اسپر” و ہر مُسہ توو ئٹی” سرمچار” شنگ کننگ ءِ۔ دا نوشتہ آک آجوئی، شعور و راجی مزاحمت نا کلہو تے لس کننگ نا اسہ کوشست ئسے نا بشخ ءُ۔
