راج دوست راہشون استاد واحد کمبر عبدالرؤف نا دنیا ئے الّینگ نا زیہا تینا غم ئے درشان کرسہ پارے کہ عبدالرؤف خْواننگ نا وخت آن راج دوست سیاست تون سلوک اس، او بی ایس او (عوامی) نا فکر ئے منّاکہ ہرا ٹی سیاست کروکاک ساڑی آ آجوئی نا جہد ئٹی ہم کاریم کننگ ءُ۔
او پارے کہ تینا مُستنا فکری و سیاسی سنگت نا دنیا ئے الّینگ آ اُست ہسون اُٹ، و اونا خاہوت تون دا دڑد ئٹی اوار اُٹ۔ ساڑی آ جہد ئٹی عبدالرؤف تینا چُناتا دروشم ئٹ بشخ شاغا، اونا اسہ مار ئس ‘شہید چاکر (جاڑ)’ بلوچ آجوئی جہد ئنا سرمچار ئس اس، او تینا باوہ نا راج دوست آ فکر ئے ہفّسہ آجوئی نا جہد ئنا کسر ئٹ پیشتما۔
استاد واحد کمبر پارے کہ عبدالرؤف بلوچ اسہ شہید ئسے نا باوہ و فکر ئسے آ سلِنگ آ یات کننگو۔
