بلوچستان لبریشن فرنٹ نا ترجمان میجر گہرام بلوچ بیان ئس شنگ کرِسہ پارینے کہ ننا سرمچارک کراچی، تمپ و قلات ئٹی مُسِہ جتاؤ جلہو تیٹی کوزہ گیر لشکر، پولیس و رینجرز ئے ٹک کرینو۔
او پارے کہ بی ایل ایف نا سرمچارک اِستو کراچی نا علاقہ ملیر کالا بورڈ ئٹی ساڑی سندھ رینجرز نا فوجی چوکی آ چغلی بمب ئٹ جلہو کریر، جلہو ئٹی اوفتے مالی و جانی رسخان رسینگا۔
ترجمان پارے کہ اسہ پین جلہو ئسیٹی 3 مئی نا نن 7 بجہ و پنجاہ منٹ آ بلوچستان لبریشن فرنٹ نا سرمچارک کیچ ئنا علاقہ تمپ، کلاہو ٹی کوزہ گیر پاکستانی لشکر نا چوکی آ بھلا سلاہ تے ئٹ جلہو کریر، ہرانا سوب آن کوزہ گیر لشکر ئے جانی و مالی نسخان رسینگا۔
اونا پاننگ اسک کہ بلوچستان لبریشن فرنٹ نا سرمچارک اسہ پین کاروائی ئسیٹی قلات نا علاقہ دربار روڈ آ پولیس تھانہ غا چغلی بمب ئٹ جلہو کریر ہرا تھانہ نا تہٹی تما و پولیس ئے چنکو نسخان ئس مس۔
او گیشتر پارے کہ بلوچستان لبریشن فرنٹ دا جلہو تا ذمہ واری ئے ہرفک۔ ننا کاروائیک و جنز بلوچستان نا آجوئی اسکان برجاء مرور۔
