بلوچ لبریشن آرمی نا ترجمان آزاد بلوچ میڈیا غا شنگ کروک بیان ئسیٹی پارینے کہ 2 مئی آ ننا سرمچارک قلات نا علاقہ منگچر ئٹی سُم کاری کرسا ضیا لانگو نا زاتی آ گھاٹ آِتہ مرگ ئنا گواچی کریر۔
آزاد بلوچ پارینے کہ ضیا لانگو پاکستانی لشکر و ڈھکوک ادارہ غاتا اسِہ مُہرہ ئس ءِ، ہرا بلوچ زنک کُشی و تحریک نا دشمنی ٹی اوار ءِ۔ 21 مارچ آ ننا سرمچارک منگچر نا علاقہ ملنگزئی نا ہند آ ضیا لانگو نا زاتیئو گھاٹ ئسے دزگیر کریر، و خبڑدار کنن آن پد یلہ تِسُر۔ تنظیم ضیا لانگو تون اوار اونا زر ئٹ توروک آ کارندہ غاتِہ خبڑدار کرینے کہ راجی لشکر نا دشمنی آن پد سلِر ولے داڑان بیدس ہم او نہ بیرہ تینا قبلہ ئے راست کننگ ئٹ بے سوب مرسہ تینا خواجہ آتِہ خوش کننگ ءُ بلکہ تینا خواجہ آتِہ خوش کننگ کن پین منظم وڑ ئٹ راجی غداری کننگ ءُ۔
ترجمان پارے کہ بلوچ لبریشن آرمی اسِہ وار ئس پدا منگچر نا ُمچ اُلس، پولیس و لیویز ئے خبڑدار کیک کہ ضیا لانگو ئے اسِہ راجی مجرم ئس تصور کیک، دا کاریم ئٹی اگہ کس ئس ہم اودے تحفظ ایتک تو تینا نُسخان نا زمہ وار تینٹ مرو۔
