خاران نا اِرا جتاؤ ہند آن اِرا جون خننگانے۔ شابیتی حوال تا ردئٹ اسہ جون ئس کلی کشمیر آن خننگانے و ایلو گواش روڈ، سوربڈو نا علاقہ غان خننگانے۔
کلی کشمیر آن خننگوکا جون ئنا چاہنداری گزی ضلع خاران نا جہی داد محمد نا مار حفیظ نا پِن ئٹ مسنے۔
حوالکار تا رد ئٹ حفیظ اللہ 26 اپریل آن بیگواہ اس۔ اودے کھسفِسہ جون ئے بووری ئسیٹی بند کرِسہ خولم نا ڈغار تیٹی خسنگاسس۔
پولیس حفیظ اللہ نا بیگواہ مننگ نا کیس ئٹی، جون ئنا خننگ آن مُست پنچ بندغ دزگیر کرِسہ سر سوج بناء کریسس ہرا دا وخت آ پولیس نا دزگیر ئٹی ءُ۔
ارٹمیکو جون گواش روڈ، سوربڈو نا علاقہ غان خننگانے ہرا نا دائسکان چاہنداری مننگ کتنے۔
حوالکار تا ردئٹ جون ئتون گمانی وڑ ئٹ مُسہ رنگیئو اسہ بیرک ئس ہم تخنگاسس و پِن کروک بندغ ئے سُم خلِسہ کھسفنگاسس۔
پولیس تومکا تدینی تا پٹ ئہ پول کننگ ءِ، اندن دا تدینی تیا الس ئٹ بھاز خُلیس نا درشانی مننگ ءِ۔
