بلوچستان لبریشن فرنٹ نا ترجمان میجر گہرام بلوچ پارینے کہ ننا سرمچارک 10 اپریل آ دشت ئنا علاقہ سیاہلو ٹی کوزہ گیر پاکستان لشکر نا کنڈ آن خلنگوک آ سرویلنس کیمرہ، سولر سسٹم و ایلو حال حوالی آ نظام آتے ٹک کرِسہ اوفتے نسخان تسر۔
او پارے کہ 22 اپریل نا نن تربت نا علاقہ جوسک ئٹی تنظیم نا سرمچارک گشت کروک آ پولیس نا لاری ئے تورِسہ خاخر تسُر و پولیس کارندہ آک لاری ئے یلہ ترِسہ نرّار۔ ہندن سرمچارک تنظیم نا پالیسی تا رد ئٹ پولیس کارندہ غا تے ٹِک کتوس۔
اونا پاننگ اسک کہ ہندا نن گشت ئنا وخت آ سرمچار آتا ٹولی ڈی بلوچ ئٹی برجاء آ پولیس تھانہ آ جلہو کرِسہ اونا ماڑی و مڈی تے نسخان تسُر۔
ترجمان نا پاننگ اسک کہ ہندا نن سرمچار آتا اسہ پین ٹولی ئسے نا گشت ئنا وخت آ تربت نا علاقہ گھنہ ٹی کوزہ گیر لشکر تون مون پہ مون مسُر ہرانا سوب اوفتا نیام ئٹی جھڑپ مسک۔ جھڑپ ئٹی دشمن نا کیہی کارندہ آک ٹپی مسُر ہندن دشمن نا فوج مات کُنِسہ دوارہ تینا کیمپ ئٹی ہِنا۔
ترجمان پارے کہ 25 اپریل نا نن 11:40 بجہ آ سرمچارک مند سورو ٹی ملٹری انٹیلیجنس نا دفتر نا مونا مہالو آن ساڑی آ کارندہ آتے ٹک کرِسہ کھسفنگا و اوکان گُڈ دفتر آ بھلا سلاہ تیئٹ جلہو کننگا۔
بیان ئٹی پاننگا کہ 26 اپریل نا دے 12:00 بجہ نا خڑک خاران شیار نا نیام ئٹی برجاء ایف سی نا بنجائی کیمپ آ گرنیٹ لانچر نا ذریعت ئٹ منہ گولہ فائر کننگا ہرا ٹِک مروک ہند آتے آ تمار۔
او پارے کہ 26 اپریل نا دے 12:00 بجہ نا خڑک اپسی کہن و حمزئی نا نیام ئٹی فوجی کیمپ ئکن گِڑا دروکا لاری آ بمب ئٹ جلہو کننگا۔ یاتی مرے کہ دا لاری نا خواجہ شفیع محمد عرف شپُک ئے منہ تو آن وارننگ تِننگ مننگ ئٹی اسک، ولہ اوکا پد ہم او تینا دا کاریم تے آن دو کشیتو، اینو خبڑدار کننگ نا رد ئٹ اونا اسہ لاری ئسے آ چنکو جلہو ئس کننگا۔ اینو اسہ وار ئس پین میڈیا نا رد ئٹ پڑو کینہ کہ اگہ او داسہ ہم دا پروگرام نا بشخ جوڑ مسک تو اوڑا سخت او جلہو کننگو۔
او گیشتر پارے کہ دا جتا آ کاروائی تیٹی کوزہ گیر پاکستانی لشکر و پولیس ئے جانی و مالی نسخان تون مون تِروئی تما، ہندن سرمچارک سلامتی ئٹ تینا رکھوک ہند آتے آ سر مسُر۔
