ضلع کیچ ئنا بنجائی شار تربت نا سیٹلائیٹ ٹاؤن ئٹ اسہ ورنا ئسے گاڑی ٹی سوار نادرست آ بندغ آک زوراکی ئٹ بیگواہ کرینو۔
خن ئٹ خنوک شاہد آتا رد ئٹ اینو نیمروچ نا وختا اسہ گاڑی ئسے ٹی سوار نادرست آ بندغ آک زکریا آسمی ئے ڈک تسُر ہرا نا سوب آن ورنا موٹرسائیکل آن تما، ہراکان گڈ گاڑی ٹی سوار سلاہ بند بندغ آک اودے زوراکی ئٹ ہرفِسہ تینتو دریر۔
زکریا آسمی نا خاہوت نا رد ئٹ او اسہ خوانندہ ئس ءِ ہرا سہب ئنا اسکول آ کائک و ویگہ نا دکان ئسے آ کاریم کیک۔
خاہوت کیچ انتظامیہ آن خواست کرینے کہ او زکریا نا دمدستی آجوئی کن گھام ہرفر۔
