بلوچستان نا ضلع کیچ ئنا علاقہ دشت آن پاکستانی لشکر پنچ شمبے نا دے اسہ کارروائی ئسے ٹی شش بندغ دزگیر کننگ آن گڈ بیگواہ کرے۔
جہی حوال تا رد ئٹ، فرنٹیئر کور (ایف سی) و ڈھکوک ایجنسی تا کارندہ غاک دشت ئنا علاقہ درچکو ٹی درو کیہی اُرا تیا چھاپہ خلنگ نا وختا شش بندغ نا خن تِہ تفِسہ تینتو دریر، ہرافتا دائسکان ہچ ڈس اف۔
بیگواہ کننگوک بندغ آتیان چھار ئنا چاہنداری لہداد ولد برکت، وسیم ولد بشیر، ایاز ولد احمد و شکیل ولد فقیر نا پن ئٹ مسنے، ایلو اِرٹ نا دائسکان چاہنداری مننگ کتنے۔
