بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارینے کہ 1 اپریل آ شام ئنا 6 بجہ و 45 منٹ آ بی ایل ایف نا سرمچارک بولان نا علاقہ آب گم ئٹ نیم فوجی لشکر فرنٹیئر کور نا اسہ چیک پوسٹ ئسے آ راکٹ لانچر، گرنیڈ لانچر و ایلو سلاہ تیٹ جلہو کریر۔ جلہو نا وختا سرمچارک راکٹ و گرنیڈ لانچر آتیٹ کیہی راؤنڈ فائر کریر، ہرا چیک پوسٹ نا تہٹی تمار۔
او پارے کہ دشمن لشکر نا بنجائی کیمپ ئنا دفاع کن اڈ ہلوک چوکی تیا سرمچارک ترندی ئٹ جلہو کریر و دا چوکی تے اسکان سر مننگ ئٹ سر سوب مسر۔ جھڑپ نا وختا دشمن لشکر نا کارندہ غاک تینا چوکی تِہ الِسہ نرار۔
ترجمان پارے کہ دا جلہو ئٹ دشمن لشکر ئے بھاز جانی و مالی نسخان تون مون تروئی تما۔
بیان ئٹ پاننگا کہ ننا تنظیم و سرمچار تا حوصلہ غاک بُڑز و سوگو ءُ انتئے کہ قومی آجوئی نا جوزہ ئٹ جنگ تروک سرمچار تِہ یخین ءِ کہ دا جنگ ئٹی تنخواہ کن جنگ کروک دشمن لشکر نا حوصلہ غا تِہ پرغنگ و اودے ذہنی حوالہ ئٹ بےسوب کننگ ئٹ او سرسوب مسنو۔
اونا پاننگ اس کہ بی ایل ایف ئے بلوچ الس آن مہالو آن زیات اومیت ءِ کہ او دا جنگ ئٹ ہر وڑ ئٹ بشخ ہلِسہ دا جنگ ئٹ ہر وڑ ئٹ تینا بشخ ئے شاغِسہ پاکستان آن تینا آجوئی ئے ہلنگ و تینا قومی ٹیوار و شرف ئے بحال کننگ ئٹ تینا کڑد ئے سر ایتور۔
ترجمان پارے کہ بی ایل ایف بولان ئٹی دشمن لشکر آ جلہو نا ذمہ واری ئے ہرفِک و بلوچستان نا آجوئی اسکان کوزہ گیر لشکر و اونا سواد آتیا جلہو تا چرجوئی ئے برجاء تخو۔
