فلسطینی پناہ ہلوک آتیکن اقوام متحدہ نا ریلیف اینڈ ورکس ادارہ ئٹی مواصلات نا ڈائر یکٹرجولیٹ ٹوما نا پاننگ ءِ کہ”دا بھاز اہم ءِ کہ غزہ کن کُمک گیش مننگءِ انتئیکہ نن قحط ئنا نیمہ آ ہننگ اُن ”
برطانوی نشریاتی ادارہ تیتون ہیت کرسا اونا پاننگ اسک ” امداد اِرا کسر آن بننگ ءِ ، نہ بیرا مصر بلکن اسرائیل تون اوار بارڈر آن ہم کُمک تہ بننگ ئٹی گیشی بسُنے و دا بھاز المی ءِ کہ کُمک تیٹی گیشی برجاءِ مرے ، نن قحط ئنا نیمہ آ ہننگ اُن ۔
او پارے کہ ” غزہ نا دا پناہ گاہ تیٹی دا جاگہ افک ۔ بندغ آک صاف انگا آسمان نا مونا رہینگ ءُ یا تینا لاری و زیادہ قیمت ئٹ اسہ کمرہ ئس کرایہ ہلیسا رہینگءُ ۔
اونا پاننگ اسک کہ ” بمباری برجاءِ ، ہنپنگ برجاءِ ، بھاز وار ننا تینا عملہ ئے ہم چار ، پنچ وار ہنپنگ تمانے ۔
اسرائیلی بمباری آن غزہ ئٹی خلنگ و ٹپی تہ کچ ئنا سوال نا جواب ئے تننگ ئٹ جولیٹ ٹوما پارے کہ ” دا کچ حیران کریفوکءِ و دافتیٹ ہر گھنٹہ گیش بریساءِ ۔ نن ہم تینا 142 سنگت آ تے گوہا نُن ہرا جنگ نا بناء مننگ آ پد خلنگار ۔
” دا ہمو کچ ءِ ہرافتے نن پک کننگ کینہ ۔ خُلیس ءِ کہ دا کچ آن گیشترءُ ۔
