بلوچستان نا ضلع بارکھان آن ورنا صحافی آصف کریم کھیتران ئے ہفتہ نا دے بارکھان آن زوراکی ئٹ بیگواہ کننگانے۔
آصف کریم کھیتران بارکھان نا پریس کلب ئٹ صحافی ئس اسک، بلوچستان آن سیاسی تنظیم و بندغی حق آتا باسک آک اونا زوراکی نا بیگواہی ئے پک کرینو۔
اسلام آباد آن بندغی حق آتا باسک و زوراکی ئٹ بیگواہ کننگوک بلوچ آتا وکیل ایمان مزاری آصف کریم کھیتران نا زوراکی نا بیگواہی نا رد ئٹ پارینے کہ ای آصف کریم نا زوراکی نا بیگواہی آ فریشان اُٹ۔
ایمان مزاری نا رد ئٹ آصف اودے 2024 ئٹی فوج ئنا جتا افسر آتا پن تہ پاریسس ہرا اودے دڑکو تننگ اسر و اودے فوج ئنا کیمپ ئٹی خواہفیرہ و بیگواہ کننگ آن مُست اونا خاہوت آن پین بندغ ہم بیگواہ کرینو۔
خیال ئٹ مرے کہ آصف کریم پنچ دے مُست تینا چاگڑدی حوالکاری میڈیا اکاؤنٹ آ پوسٹ ئس کرسا پاریسس کہ پاکستانی لشکر نا کنا اُراغا چھاپہ آن پد داسا بارکھان انتظامیہ کنا دکان ئے سیل کرینے و کنا توار ئے توننگ نا کوشست کننگ مننگ ءِ۔
بندغی حق آتا تنظیم آک آصف کریم کھیتران نا زوراکی نا بیگواہی ئے شیف خلِسہ اونا دمدستی آجوئی نا خواست کرینو۔
