کیچ: تربت ئٹی بلوچ یکجہتی کمیٹی نا نیکہ آن برانزی ریلی ئس کشنگا۔برانز شہید بالاچ چوک آن پیش تمیسا شہید فدا چوک آ مُچ مُسنے۔
برانز ئٹی زوراکی ئٹ بیگواہ آ بندغ آتا خاوت آک، سیاسی و چاگڑدی باسک آک،خوانندہ آک، چُنا،زالبول و عام بندغ آتا بھلو کچ ئس بشخ ہرفینے۔ برانزیک شہید بالاچ، بیگواہ آتا عکس، بینر و پلے کارڈ آتے دوٹی کریسُر۔
برانزیک پاکستانی لشکر نا زوراکی تہ برخلاف نعرہ خلکُنو و زوراکی ئٹ بیگواہ آتا آجوئی نا خواست کرینو۔
اوفک ہیت کرسا پاریر کہ داسا تیوعہ راج چائک کہ پاکستانی پارلیمنٹ ئٹی تولوک آ بندغ آک ہچ وڑ بلوچ نا دوزواہ افس اوفک ننا مال و مڈی تے دننگ و ننا چُنا و زالبول آتے زوراکی ئٹ بیگواہ کننگءُ۔
اوفک پاریر کہ ریاست دا ہیت ئے تتنے کہ بالاچ و اونا سنگت آتا خلنگ بھلو ردی ئس مرو۔بالاچ و اونا سنگت آتا شہیدی آ تیوعہ راج مزاحمت ئٹ بش مرسا اوار مسُنے۔
اوفک پاریر کہ اسلام آباد پریس کلب نا مونا برجاء انگا برانز زوراکی ئٹ بیگواہ و دروغ ئنا مقابلہ ٹی خلنگ آتا برخلاف مننگءِ ولے سرکار اوفتے بِننگ اف۔
