بلوچستان نا ضلع خضدار ئٹی اسہ وار ئس پدا سلاہ بند بندغ آک پولیس تھانہ آ جلہو کرسا سلاہ و ایلو مڈی تہ دوئی کریر۔
سلاہ بند بندغ آک شام ئنا یانزدہ بجہ غا وڈھ ئٹی کلی صالح محمد کسر آ پولیس تھانہ غا جلہو کریر۔
حوال تروک آتا رد ئٹ جلہوکارک پولیس نا سلاہ و ایلو مڈی تہ دریر واہم جلہو نا وخت پین جانی نسخان تا حوال اف۔
یات مرے کہ اِرا دے مُست خضدار نا جہہ اورناچ ئٹی پولیس و لیویز نا تھانہ و لاری تے ہُشنگاسس ہرانا زمہ واری ئے بلوچستان لبریشن فرنٹ ہرفیسس۔ واہم وڈھ جلہو نا زمہ واری ئے دائسکان ہچو تنظیم ئس ہرفتنے۔
