اگہ کوزہ گیر لشکر نا پارہ غان اسہ ہم آپریشن اس کننگا گڑا دانا بھلو نتیجہ پیشتمور، و سد آ بندی تے مرگ ئنا گواچی کننگو۔ ترجمان بی ایل اے
کارروائی نا سروکی ئے بی ایل اے نا جند ندر یونٹ مجید بریگیڈ کننگ ءِ، ہرادے فتح اسکواڈ، ایس ٹی او ایس، و زراب نا
تیبہ مخ تفی دوئی ءِ۔ و مننگ کرور وڑ ئٹ 100 ئنا کچ کارندہ بی ایل اے نا کوزہ ٹی ءُ
دا رد ئٹ بلوچ لبریشن آرمی نا ترجمان جیئند بلوچ میڈیا غا شینک کروک تینا بیان ئسیٹی پارے کہ ننا سرمچارک بولان نا علاقہ ڈھاڈر ئٹ مشکاف نا ہند آ اسہ بھلو کارروائی ئسیٹی ریلوے ٹریک ئے تراک ئٹ بھس کرسہ جعفر ایکسپریس ئے تورینو۔ سرمچارک ریل آ کوزہ کرسہ غٹ مسافر تہ بندی کرینو۔
ترجمان پارے کہ بی ایل اے پاش خبڑدار کیک کہ اگہ کوزہ گیر لشکر نا پارہ غان اسہ ہم آپریشن ئس کننگا گڑا دانا بھلو نتیجہ پیشتمور، و سد آ بندی تہ مرگ ئنا گواچی کننگو، ہرانا زمہ واری کوزہ گیر لشکر آ مرو۔
او پارے کہ دا آپریشن ئے بی ایل اے نا مجید بریگیڈ، ایس ٹی او ایس، و فتح اسکواڈ نا خاص سرمچارک اوار سر تننگ ءُ، و ہر وڑ ئنا فوجی جلہو نا دروشم ئٹ ترند جوابی کارروائی کننگو۔
ترجمان پارے کہ جعفر ایکسپریس آ کوزہ نا وخت آ دائسکان شش فوجی کارندہ مرگ ئنا گواچی کننگانو۔ ہرانا زمہ واری ئے ننا تنظیم بی ایل اے ارفک۔
اسہ پین بیان ئس شنگ کرسہ ترجمان پارے کہ بندی تیٹ پاکستانی لشکر، پولیس، اے ایف ٹی، و آئی ایس آئی نا حاضر سروس کارندہ غاک اوار ءُ، ہرا چھٹی تیا پنجاب آ ہِننگ اسر۔
او پارے کہ دا آپریشن نا وخت آ بی ایل اے نا سرمچارک زالبول، چنا و بلوچ مسافر تہ یلہ کرینو، اندن ایلو غٹ بندیک کوزہ گیر لشکر نا حاضر سروس کارندہ غاک ءُ۔
ترجمان ودیک پارے کہ دا کارروائی نا سروکی ئے بی ایل اے نا جند ندر یونٹ مجید بریگیڈ کننگ ءِ، ہرادے فتح اسکواڈ، ایس ٹی او ایس، و زراب نا تیبہ مخ تفی دوئی ءِ۔
